Kanadski hokejaš srpskog porijekla, Milan Lučić, uhapšen je zbog nasilja u porodici.

Hokejaša Boston Bruinsa prijavila je supruga zbog nasilja koje se dogodilo u subotu, a nekoliko dana poslije toga pojavio se na sudu kako bi bio saslušan.

Kako su prenijeli američki mediji, Lučić je u alkoholisanom stanju tukao i davio suprugu.

Iz kluba se nisu bavili detaljima oko optužnice podnijete protiv jednog od najpopularnijih igrača u timu, osim što su potvrdili da su u kontaktu sa porodicom kako bi pomogli odbranu Milana Lučića pred sudom.

Lučić od sredine oktobra nije igrao za Boston Bruinse zbog povrede. Od kako je davne 2006. godine izabran kao 50. pik na draftu Lučić je odigrao više od 1.000 NHL utakmica nastupajući za Bruinse, Los Angeles Kingse, Edmonton Oilerse i Calgary Flamese, prenose Vijesti-N1.